නොරොච්චෝල ලක්විජය ගල්අඟුරු බලාගාරයට විරුද්ධව සමහර බටහිර රටවලින් යැපෙන රාජ්‍ය නොවන සංවිධාන වලින් කරන අභූත චෝදනා නිමක් නෑ . බලශක්ති නැතිනම් පරිසර විශාරධයින් , ලෙස තමාම හඳුන්වා ගන්න සමහර පුද්ගලයින් පොදුවේ රටේ තියෙන සැබෑ පරිසර ප්‍රශ්න කිසිවක් ගැන කතාකරනවා පේන්න නෑ . නමුත් බලගාරේ වැට මායිමට වෙලා බල ඉන්නවා අළු දුවිලි පොදක් එනකන්. තවත් සමහරු කිසිම විද්‍යාත්මක පදනමක් නැතිව කියනව කොළඹ විතරක් නොවෙයි , නාවලපිටිය වගේ ප්‍රදේශවල වායු දුෂණයට පවා ලක්විජය බලාගාරය වග කිව යුතුයි කියල.
ඉතින් කොරෝනාව නිසා කොළඹ විතරක් නෙවෙයි මුළු ලංකාවේම රථ වාහන ධාවනය හොඳටම අඩුවෙලා , වෙනත් කර්මාන්තශාලා වැහිලා තියෙත්දී , ලක්විජය බලාගාරය 900MW පුර්ණ ක්‍රියාකාරිත්වයකින් ක්‍රියාකරමින්, රටේ විදුලි අවශ්‍යතාවයෙන් 50- 60% පමණ ප්‍රමාණයක් ලබාදෙමින් තිබුන මේ කාල වකවානුවේදී අන්තර් ජාතික ආයතන මගින් අන්තර් ජාලයේ වායු දුෂණය පිලිබඳ ලබාදෙන තොරතුරු ආධාරයෙන් රටේ වායු දුෂණය ගැන පොඩි අධ්‍යනයක් කලා. ඉතින් ඒ තොරතුරු කෙටියෙන් මෙහෙම කියන්න පුළුවන්.
සමහර පරිසර ක්‍රියාකරින් මහජනතාව , බෞද්ධයින් බය කරනවා බලාගරෙන් විශාල වශයෙන් සල්ෆර් ඩයොක්සයිඩ් වායුව පිටවෙනවා , මේවා ඇසිඩ් වරුසාව හැටියට වැටිලා ශ්‍රී මහා බෝධියට පවා බලපානව කියල.
මේ තියෙන්නේ ලෝකයේ ඕනෑම තැනක සල්ෆර් ඩයොක්සයිඩ් වායුව බලාගන්න පුළුවන් වෙබ් පිටුවක්.
මේ තියෙන්නේ ලෝකයේ ඕනෑම තැනක සල්ෆර් ඩයොක්සයිඩ් වායුව බලාගන්න පුළුවන් වෙබ් පිටුවක්.
 |
| SO2 around Sri Lanka |
මේකෙන් ඔයාලටම බලාගන්න පුළුවන් ලංකාවේ විතරක් නෙවෙයි ලෝකෙම සල්ෆර් ඩයොක්සයිඩ් වායුව. නයිට්‍රික් ඔක්සයිඩ් බලාගන්නත් මේ වගේම පුළුවන්. මේ පින්තුරේ ගත්තේ 2020 අප්‍රේල් මාසේ , ලක්විජය බලාගාරේ 900MW ජනනය කරන දවසක.
මේකේ දුඹුරු පාටින් පෙන්වන්නේ සල්ෆර් ඩයොක්සයිඩ් වායුව. දම් පාටින් පේන තැන්වල දුෂණය සාපේක්ෂව වැඩියි. මේ පින්තුරේ මුහුදේ නැව් වලින් පිටවෙන වායුව පවා පැහැදිලිව පේනවා. ඔය ලංකාව යටින් තියෙන නැව් මාර්ගය තමයි දුඹුරු පාට පාර වගේ පෙන්න තියෙන්නේ. හොඳින් බැලුවොත් අනිත් නැව් මාර්ගත් බලාගන්න පුළුවන්.
 |
| SO2 in Sri Lanka |
වායු දුෂණය ගැන කථා කරත්දි වාතයේ තියෙන පාවෙන දූවිලි අංශු ප්‍රමාණයත් සලකා බලනවා. ගොඩක් අයගේ හතිය වගේ පෙනහළු ආශ්‍රිත රෝගවලට දූවිලි බලපානවා. වාතයේ තියෙන දුවිලි, අහිතකර වායු සියල්ල සලකල වාතයේ තියෙන ගුණාත්මක බවයන් ගැන විස්තර නොමිලේ ලබාදෙන ආයතන තියෙනව. NASA වගේ ආයතනත් නොමිලේ මේ තොරතුරු අන්තර්ජාලය හරහා ලබාදෙනවා. ඒ වගේ ලෝකේ ඕනෑම තැනක වායු තත්ව දර්ශකයක් [ Air Quality Index ( AQI)] මෙන්න මේ වෙබ් පිටුවෙන් බලාගන්න පුළුවන්.
 |
| April 6,2020 |
2) මේ තියෙන්නේ අප්‍රේල් 8 වෙනිදා රෑ බස්නාහිර පළාතට හොඳ වැස්සක් වැටුනට පස්සේ දැක්ක විදිය. මේක තමයි මං දැක්ක හොඳම පින්තුරේ. වැදගත්ම දේ තමයි ලක්විජය බලාගාරේ පුර්ණ ක්‍රියාකාරිත්වය තිබුනත් පුත්තලම ප්‍රදේශයේ වායු තත්වය 70 ක් වගේ ඉතා හොඳ අගයක් තිබීම. බලාගාරේට එල්ලවෙන වායු දුෂණ චෝදනා සියල්ල බොරු කියල මේකෙන් පැහැදිලි වෙනවා නේද? කොළඹ තිබුන දුෂිත වාතය සුළඟ නිසා මධ්‍යම කඳුකරයට දිශාවට ගමන් කරපු බවත් පෙන්න තියෙනව.
 |
| April 8,2020 |
3 ) ඇඳිරි නිතිය ටිකෙන් ටික ලිහිල් වෙද්දී දිනෙන් දිනම කොළඹ වායු දුෂණය ඉහල යනවා පෙනුන . අප්‍රේල් 16 දවල් මේ වගේ අමුතුම පින්තුරයක් තිබුනේ. කොළඹ විතරක් නෙවෙයි , පුත්තලම ප්‍රදේශයත් රතු පාටයි. පෙනුමට නම් ලක්විජය බලාගාරයත් අවට වාතය දුෂණය කරනවා වගේ?
 |
| April 16, 2020 |
නමුත් එදා තිබුණ සුළං රටාව ( නිල් පාට පින්තූරය ) නිරීක්ෂණය කලාම පේනවා , කොළඹ අවට මුහුදේ තියෙන දුෂිත වාතය , සුළඟට පුත්තලම ප්‍රදේශයට අරන් ගිහින් කියල. ඉතින් ඔබ අර වෙබ් පිටුවට ගිහින් බැලුවම පුත්තලම මන්නාරම ප්‍රදේශවල රතුපාට දැක්කම එකපාරම නිගමන වලට එන්න එපා. වාතයේ තත්වයත් , සුළං හමන රටාවත් අධ්‍යනය කරන්න ටික දවසක් හරි. මොකද ඒ දුෂිත වාතය කොළඹ හරි ඉන්දියාවේ ඉඳල එන ඒවා බොහෝදුරට. මොකද පුත්තලම වායුව දුෂණය වෙන්න ලක්විජය බලපනවානම් බලාගාරේ දිගටම දුවපු නිසා මුලින් තිබුණ ( අප්‍රේල් 6-7 ) වගේ පින්තූර එන්න විදියක් නැනේ.
මෙන්න මේ වෙබ් පිටුවලින් හුළං හමන විදිය බලාගන්න පුළුවන්.
4) අප්‍රේල් 19 වෙනිදා දර්ශනයෙන් 3) දී කියපු කරණය තවත් තහවුරු වෙනවා. . එදා සුළඟ උතුරු සහ දකුණු ප්‍රදේශවලින් හමා ඇවිත් කොළඹ හරහා රට ඇතුලට ගලා ඇවිත් රථ වාහන නිසා ඇතිවුන දුෂිත වාතය කඳුකරය දක්වාම රැගෙන ගිහින්. මෙන්න මේ වගේ දවස්වල තත්වය දැකල වෙන්න ඇති අර ඊනියා පරිසරවේදීන් ලක්විජයේ බලපෑම නවලපිටියත් එනවා කියල බොරු නිගමන වලට එන්න ඇත්තේ.?
 |
| April 19, 2020 |
5) මේ අප්‍රේල් 20 වෙනිදා තිබුණ විදිය. කොළඹ ප්‍රදේශයේ රතුපාට ගාල්ල දක්වාම විහිදිලා ගිහින්. පුත්තලමේ තත්වය ඉතා හොඳයි. සුළං ප්‍රවාහය බැලුවම පේනවා මොකද උනේ කියල.
 |
| April 20,2020 |
මේ අනුව අපිට හොඳින්ම පේනවා රටේ වායු දුෂණයට ප්‍රධාන වශයෙන්ම හේතුවන්නේ රථ වාහන කියල. ඒ නිසා වායු දුෂණය අඩුකරන්න නම් ප්‍රවාහන සේවා දෙසට තමා වැඩි අවධානයක් යොමු කරන්න ඕනි. බලාගාර වල වැඩි කාර්යක්ෂමතාවකින් ඉන්ධන දහනය සිදුවන නිසා සහ දුෂණය පාලනය කරන ක්‍රම භාවිතා කරන නිසා , සමස්ථයක් වශයෙන් වාහන වලට සාපේක්ෂව අඩු දුෂණයක් තමා වෙන්නේ.
ඉතින් අපිට කරන්න තියෙන හොඳම ක්‍රියාමාර්ගය තමයි, රටේ පොදු ප්‍රවාහන සේවා දියුණු කරලා , පොදු සහ පුද්ගලික වාහන උපරිම වශයෙන් විදුලියෙන් ධාවනය කරන එක . මේ සඳහා අවශ්‍ය විදුලිය ලක්විජය වගේ අඩු වියදම් බලාගාර වලින් නිෂ්පාදනය කලොත් අපිට ඉතිරිවෙන මුදලින් පොදු ප්‍රවාහන සේවා දියුණු කරන්න පුළුවන්. ලෝකයේ බොහෝ දියුණු රටවල් ඒ මාර්ගයේ තමා ගිහින් තියෙන්නේ. වායු දුෂණය අවම කරන්න අපි ඒ වගේ ක්‍රමානුකුල ගමනක් යනවා වෙනුවට , NGO වලින් යැපෙන බටහිර පන්නයේ ව්‍යාජ පරිසරවේදීන් කියන විදියට මුලින්ම අඩුවියදම් බාලාගාර වහල දාල හරියන්නේ නෑ . ඒක හරියට අර වත්තේ අඹ විකුණලා දියුණුවෙන විදිය කලපනා කරපු මෝඩ මනුස්සයෙක් ,ව්‍යාපාරේ පටන් ගන්නත් කලින් , තමන් දියුණුවුණාට පස්සේ යන එන, හිතේ මැවුන කාර් එක ඇතුලට ගන්න ඉඩමදී කියල අඹ ගහ කපුවා වගේ වැඩක්.
.................................................................................................................................................................................
ඇඳිරි නීතිය නිසා රටේ වායු දුෂණය අඩුවීම පිලිබඳ 2020 මැයි 03 වෙනිදා සිළුමින පුවත් පතේ පළවූ ලිපිය
.................................................................................................................................................................................
ඇඳිරි නීතිය නිසා රටේ වායු දුෂණය අඩුවීම පිලිබඳ 2020 මැයි 03 වෙනිදා සිළුමින පුවත් පතේ පළවූ ලිපිය
During raining period , ph value of rain was tested for some other purpose . it shows even ph 8 in the areas where some people said that there will be acid rain due to coal power plant . People who against coal is not actually based on real fact and figures.
ReplyDeletepl. send those information if possible
ReplyDeleteTHANKS FOR THE WONDERFUL REPORT
ReplyDeletevery good explanation. thank you
ReplyDeleteමම දැකපු විදිහට ඉතාම හොඳ විග්‍රහයක්. අපිට ලෙසියෙන් හම්බෙන්නෙ නෑ කොළඹ වායු දූෂනණය නැති වෙලාවක අනිත් ප්‍රදේශ වල වායු දූෂණ තත්වය අධ්‍යනය කරන්න. මේකෙන් පැහැදිලිවම පේන දේ නොරොච්චෝලේට බැනබැන උන්නට ඇත්ත්ටම ප්‍රශ්නෙ තියෙන්නෙ වෙන තැනක කියන එක. වෙන එකක් තියා ලංකාවෙ වැඩිම වායු දූෂණය තියන නුවර ඔය මුකුත් බලාගාර නෑ නෙ. හැබැයි නොරොච්චෝලේ බලාගාරය නිසා ඒ ආසන්නයේම ඉන්න ජනතාවට යම් අහිතකර බලපෑමක් නැත්තෙම නෑ නේ. ඒවාට තාක්ෂණික විසඳුම් තියෙන්න ඕන අනිවාර්‍යයෙන්ම. ඒ දේවලුත් ඉක්මනින් ක්‍රියාත්මක උනොත් මම හිතන්නෙ නොරොච්චෝලේ බලාගාරය නිසා තියන යම් අහිතරක සාධකයක් වේ නම් ඒවත් නිෂේධනය කරගන්න පුලුවන් වේවි. අනික ලංකාව වගේ දුප්පත් රටකට නොරොච්චෝලේ වගේ අඩු ජනන වියදම් සහිත බලාගාර කීපයක් අත්‍යාවශ්‍යයි. ආර්ථිකය ශක්තිමත් උන දාක වහල දාන්න හරි බැරිය. දැන් සාම්පුර්‍ර් ගල් අඟුරු බලාගාරය බොරු නඩු දාල නවත්තපු නිසා බිලියන කීයක් නම් රටට පාඩු උනාද?
ReplyDeleteThis is a good explanation with natural facts. But fighting with the NGOs is difficult. As a country, from president to normal people should know the These facts. Passing These knowledge to the country is very difficult as the NGOs have invested funds in the country to survive their business.
ReplyDeleteThis is my opinion, Example: Those NGOs may criticize that comparing with vehicle emission is completely wrong and it should compare with non conventional renewable plants or 100% air quality locations.
We should keep on this forum and spread to the country
thank you for the comment. Please watch Planet of Humans in Youtube
DeleteVERY GOOD EXPLANATIONS.
ReplyDeleteA fruitful description of reality.... Cheers...
ReplyDelete